Minggu, 09 April 2023
Pekangkilo Pataanguna - Sahada (Buton)
Osii sangumoduka isarongi bicara rukun rahasia sahada. Babana ubaca sarati toba taluwulinga. Kasimpo omaanana sarati tobayitu patangu yi Allahu taala, taluangu imanusia.
1. Ubaca Astaghfirullah uniati usoso yi Allahu taala tee manusia rangamu tee uniati ulelesi kakalo iborokomu maanana ososoiyaka pionimu.
2. Ubaca Astaghfirullah uniyati upekarido meya salana pokamatamu tee uniyati ulelesi kakalo ilimamu.
3. Ubaca Astaghfirullah uniyati ubotuki porangomu mosalana tee uniyati ulelesi kakalo iyaemu.
4. Uniyati upogamo tee kafiri, tee kufuru setani, tee iblisi, tee kadadi, tee binata, tee haefani, tee naraka, tee siksa incana qoburu tee haramu tee wasuwisu makorohomu. Batukimea bolimu unamunamua tee moduka barangkala uala hargana miya sauwa bolosia sauwa, barangkala uala hargana miya sasse bolosia sasse.
Kasimpo ubaca: Astaghfirullahul aliimullazii laa ilaha illallahu huwalhayyul qayuumu wa atuwbu ilahi (3x).
Kasimpo usahada: Ashadu anlaa ilaha illallah - Kuba: Satotuna inda tee oupu isomba sampumpuna soo Allahu taala.
Wa ashadu anna muhammadan rasulullah. Tee kuba: Satotuna Nabi Muhammadi tumpuana Allahu taala
Kasimpo utontomaka bake ogena yitu patalimbaga:
1. Hancuru BADAMU yitu amembali BAKE.
2. Kasimpo hancuru BAKE yitu membali YANDALA
3. Kasimpo hancuru YANDALA yitu membali MANUSIA CAHAYA
4. Kasimpo hancuru MANUSIA CAHAYA yitu membali HURUFU ALIFU.
5. Kasimpo ufanamo inuncana HURUFU ALIFU yitu oitumo isarongi RUHUL KUDUSU.
Upadaaka ufanaaitu ugoramo yi Allahu taala tee Nabi Muhammadi: "Hei waopu Allahu taala tee yingko Nabi Muhammadi kugoragoraaka kangkilona karokusii simbow kangkiloku polimbaku minaaka Allahu taala ombomboreku incana poanakana inaku pamembaliaku hurufu Alifu incana bakena inaku". Kasimpo itikadia HURUFU ALIFU yitu sombow SIFATUMU yitu iweitumo ufanaa. Oitumo isarongi Alamu Ajsamu.
Incema mopakea sahada inciasii ofahalana sombow apene ahaji sawulinga tee Nabi Muhammadi tee Qathana Sambahea alapasimo.
Langganan:
Posting Komentar (Atom)
Tidak ada komentar:
Posting Komentar